TMD-ǵa qatysýshy memleketter Parlamentaralyq Assambleıasynyń úılestirýshisi, QR Parlamenti Senaty Tóraǵasynyń orynbasary Jaqyp Asanov bastaǵan baıqaýshylar Ázerbaıjan Respýblıkasy Konstıtýsııalyq sotynyń Tóraǵasy Farhad Abdýllaevpen kezdesti. Kezdesýge qatysýshylar saılaý prosesiniń quqyqtyq máselelerin talqylady, dep jazady Egemen.kz.
Jaqyp Asanov TMD PAA Demokratııany damytý monıtorıngi halyqaralyq ınstıtýtynyń sarapshylary daıyndaǵan demokratııalyq saılaýdyń halyqaralyq standarttaryna Ázerbaıjan zańnamasynyń sáıkestigi týraly qorytyndyny Farhad Abdýllaevqa berdi. Top úılestirýshisi sonymen qatar uzaq merzimdi monıtorıng barysynda baıqaýshylar jasaǵan qorytyndymen bólisti.
Sot tóraǵasy óz kezeginde saılaý qoǵamdyq-saıası ómirdiń mańyzdy prosesteriniń biri jáne demokratııalyq qoǵamnyń mańyzdy kórinisi ekenin atap ótti. Sondaı-aq Konstıtýsııalyq Sottyń qalyptasý kezeńderi, ókilettikteri men fýnksııalary týraly egjeı-tegjeıli aıtyp berdi.