Osydan birer kún buryn ǵana aýyr atletıkadan Tashkentte shymyldyǵy túrilgen Azııa chempıonatynda 67 kg salmaqta óner kórsetken Saıramkez Aqmolda kúmis medaldi ıelense, keshe Qazaqstan quramasynyń qorjynyna taǵy bir medal tústi.
81 kg salmaq dárejesinde kúsh synasqan Aleksandr Ývarov 156 kg-ny julqyp, 190 kg-ny serpe kóterip, qossaıystyń qorytyndysy boıynsha 343 kılogramdyq kórsetkishpen kúmis medaldi ıelendi. Otandasymyz Soltústik Koreıanyń sańlaǵy Rı Chong Songtan ǵana qalyp qoıdy. Chempıonnyń nátıjesi – 369 (169+200) kg. Túrikmenstannyń tolaǵaıy Gaıgysyzý Toraev qola júldeni ıelendi. Onyń kórsetkishi – 337 (148+189) kg.
Esterińizge sala keteıik, Ývarov byltyr Qytaıdyń Hanchjoý qalasynda ótken jazǵy Azııa oıyndarynda da jeńis tuǵyryna kóterildi. Qytaı elinde jerlesimiz 348 (154+194) kg-lyq ziltemirdi eńserip, úshinshi oryndy enshiledi.