Búginde Belarýs astanasy Mınskide hokkeıden jastar arasyndaǵy «Bolashaq kýbogi» dep atalatyn halyqaralyq týrnır ótip jatyr.
Qazaqstannyń jastar quramasy (U-20) jarysty sátsiz bastady. Tusaýkeser kezdesýinde olar aıdyn ıelerimen sheberlik baıqasty. Birinshi kezeńde Konstantın Volochko men Ilıa Lahnov Belarýs quramasyn alǵa shyǵardy. 28-mınýtta Aleksandr Mıgýnov esep aıyrmashylyǵyn qysqartty. Arada bes mınýt ótkennen soń Artem Nıkıtıch jergilikti jankúıerlerdi taǵy bir qýantty. Ekinshi kezeńniń aıaqtalýyna sanaýly sekýndtar qalǵanda Astananyń «Snejnye Barsy» klýbynyń oıynshysy Semen Sımonov mergendik tanytty. Biraq úzilisten keıin Stepan Zvıagın men Danııl Lıpskıı taǵy eki ret shaıbany qaqpaǵa dál túsirip, óz komandalaryna jeńis syılady. Esep – 2:5.
Endi Sergeı Starygınniń shákirtteri Reseıdiń (U-16) jáne (U-17) jasóspirimder quramalarymen kezdesedi.