Elimizdiń jol salasy ǵalymdary Parıjde ótip jatqan PIARC Dúnıejúzilik avtojol qaýymdastyǵynyń tehnıkalyq komıtetiniń quramynda halyqaralyq normatıvterdi ózektendirýge qatysyp jatyr.
Jumys aıasynda otandyq mamandar Qazaqstannyń jol salasynyń normatıvtik bazasyn jetildirý jáne ońtaılandyrý, jańa tehnologııalardy engizý, jol qurylysyn sıfrlandyrý jáne qaýipsizdikti qamtamasyz etý tájirıbesimen bólisedi.
О́tken jyly Prezıdenttiń tapsyrmasyna sáıkes jol salasynyń normatıvtik-tehnıkalyq bazasyn reformalaý jáne ońtaılandyrý jumystary bastaý alǵan bolatyn. Ol jumysty Qazaqstandyq jol ǵylymı-zertteý ınstıtýty (QazjolǴZI) júzege asyryp jatqany málim.
Parıjdegi alań bizdiń mamandar men ǵalymdar úshin biregeı bolyp tabylady. Sebebi ol álemniń 125 elinen jol salasynyń jetekshi mamandaryn jınap otyr. Bul bizdiń ǵalymdarymyzǵa salalyq normatıvtik qujattamany ózektendirýde, joldardy kútip ustaýda jáne salýda álemdik tájirıbe men normatıvtik qujattarǵa qol jetkizýge múmkindik beredi.