Bokstan Italııanyń Býsto-Arsısıo qalasynda naýryz aıynyń 4-12 kúnderi aralyǵynda ótetin Parıj-2024 lısenzııasy sarapqa salynatyn álemdik týrnırde Qazaqstan qyzdar quramasy bes salmaq boıynsha Olımpıada joldamasyna talasady, dep habarlaıdy Egemen.kz.
Boks federasııasynyń baspasóz qyzmetinen málim bolǵandaı, 114 eldiń 668 sportshysy arasynda 21 joldama sarapqa salynady. Dúbirli dodada synalatyn elimizdiń burymdy boksshylary:
50 keli – Alýa Balqybekova 54 keli – Jaına Shekerbekova 60 keli – Rımma Volosenko 66 keli – Natalıa Bogdanova 75 keli – Valentına Halzova
Eske salaıyq, qyzdar boksynan el enshisinde ázirge bir joldama bar. Atap aıtqanda, 2023 jylǵy jazǵy Azııa oıyndarynda 57 kelidegi Karına Ibragımova Parıj Olımpıadasyna qatysýǵa múmkindik alǵan edi.