«Syrdarııa-Túrkistan memleket óńirlik tabıǵı parkine» qarasty Boraldaı fılıalynyń erekshe qorǵalatyn tabıǵı aýmaǵynda bir aı buryn búr jarǵan báısheshekti memlekettik ınspektor Hamıt Qaldarbekov fotoǵa túsirip alypty. Bul týraly syrdaria_turkestan ınstagram paraqshasynda habarlanǵan eken, dep jazady Egemen.kz.
Málimetke sáıkes, báısheshektiń bul túri – lapyzdar tuqymdasyna jatady. Qazaqstanda sırek kezdesedi. Onyń ósetin jerleri – Batys Tıan-Shan taý etegi, Qarataý alasa taýy, Shý-Ile, Pamır taýlary. Kesselrıng lapyzy – sabaǵy jalǵyz, bıiktigi 6-10 sm bolatyn kópjyldyq ósimdik. Japyraqtary gúlimen birge ósedi, al eni 1 sm-ge deıin bolady. Gúlderi – aq, qońyraý tárizdes bolyp keledi. Negizinde naýryz-mamyr aılary aralyǵynda gúldeıdi.
Báısheshek qańtarda gúldese de úsimeı, tirshiligin jalǵastyra beredi eken.