Sý tapshylyǵy bolmasyn desek...

Memleket basshysy 2029 jylǵa qaraı ekonomıkamyzdyń kólemin 450 mıllıard dollarǵa jetkizýimiz kerek ekenin atap ótti. Prezıdenttiń «Sondaı-aq makro­eko­no­mı­ka­lyq kórset­kish­termen qatar halyqtyń naq­­ty tabysy da qarqyndy túrde artýy kerek» degeni de túıindi sóz boldy. Iаǵnı azamat­tar óz­de­rine oń ózgerister sezin­be­se, ekonomıkanyń kólemi qan­daı bolatyny mańyzdy emes. Halyqtyń ál-aýqaty – bul bar­lyq ekonomıkalyq refor­ma­nyń negizgi kórsetkishi.

Prezıdent atap ótken sý re­sýrstarynyń jetispeýshiligi má­se­lesine nazar aýdarǵym kele­di. Máselen, kóptegen óńir qa­zirdiń ózinde aýyzsýdyń ótkir tapshylyǵyn sezinip otyr. Sý resýrstarynyń jetispeýshiligi ásirese aýyl sharýashylyǵy aımaqtary úshin ózekti. Memleket basshysy «Biz sýdy tym orynsyz jumsaımyz» dedi. Astana qalasynyń ózinde kólik jýý oryndarynyń 80%-ǵa jýyǵy aýyzsýdy paıdalanady. Sarapshylar boljamyna súıensek, biz qazir nemerelerimizge arnalǵan sýdy tutynyp jatyrmyz.

Negizi sýdy aıtarlyqtaı únemdeýge múm­kindik beretin tehnologııalar bar. Mysa­ly, aýyl sharýashylyǵynda – sýarý ádisi nemese gıdrogel, aınalymdaǵy sýmen jabdyqtaý (qaıta aınalym), ónerkásipte – aǵyndy sýlardy qaıta óńdeý, turmystyq qyzmette – kontaktisiz sý qu­by­ry jáne taǵy basqalary. Degenmen sýdy tutynýdyń jal­py­halyqtyq mádenıetin engizý máselesi mańyzdy bolyp qala beredi. О́ıtkeni sý tapshylyǵy máselesin sheshýge azamattardyń ózderi qatysýy ma­ńyzdy. Bul jerde qymbat tehnologııalardy qol­danýdyń qajeti joq, sanaly tutyný men um­tylys qajet.

Biz balalardy mektep kezinen ekologııalyq sanaǵa, onyń ishinde sý resýrsyn tıimdi paıdalanýǵa úı­retemiz. Qarapaıym mysal re­tinde: tisti tazalaý, ydys jýý kezinde sýdy únem­di paıdalaný. Bul – kez kelgen adam bas­taı alatyn jáne keıinnen búkil elde jańa ekologııalyq máde­nıettiń qalyptasýyna áke­letin qarapaıym qadam.

Dınara SÁDÝAQASOVA,

saıası sarapshy