13 aqpan kúni «QazAzot» zaýyty óniminiń jóneltilimi alǵash ret Kaspıı teńizi jáne Ázerbaıjan aýmaǵyndaǵy Govsan porty arqyly Grýzııadaǵy Batýmı teńiz portynda aýystyryp tıeýmen júzege asyryldy. Sondaı-aq aldaǵy ýaqytta jergilikti jerde óndirilgen ammıak selıtrasy kólik-logıstıkalyq tizbek nátıjesinde búkil álem boıynsha sońǵy tutynýshylarǵa jóneltiledi, dep habarlaıdy Egemen.kz Qoǵamdyq Kommýnıkasııa ortalyǵy «KazAzot» AQ baspasóz qyzmetine silteme jasap.
Bul jetkizý Qazaqstan Respýblıkasy Kólik mınıstrligi men Mańǵystaý oblysy ákimdiginiń, Transkaspıı halyqaralyq kólik marshrýtynyń, «Aqtaý teńiz saýda porty» UK» AQ, «Qazteńizkólikfloty» UTKQK» JShS, «Kasqor-Transservıs» AQ, ADY Express, «Batýmı teńiz porty» JShQ qoldaýymen júzege asyrylady jáne kompanııanyń eksporttyq áleýetin ártaraptandyrýǵa múmkindik beredi.
2024 jyly ammıak selıtrasyn 50 000 tonnadan astam kólemde Transkaspıı halyqaralyq kólik marshrýty boıynsha Potı jáne Batýmı porttaryna jóneltý josparlanyp otyr.
Bul marshrýtty paıdalaný kásiporyn úshin jańa halyqaralyq naryqtarǵa ammıak selıtrasyn jetkizýge jáne Qazaqstan taýarynyń búkil álemge tanylýyn arttyrýǵa múmkindik beredi.