Kókshetaý qalasynyń polısııa qyzmetkerleri jergilikti turǵyndardy órtten arashalap qaldy, dep habarlaıdy Egemen.kz Polisia.kz saıtyna silteme jasap.
Polıseılerdiń táýliktik kezekshiligi bastala sala olarǵa Suńqar 6 yqsham aýdanynyń 1-páterinde tútin kóringeni jáne úıde adamdar bar bolýy múmkin ekeni habarlanǵan.
Oqıǵa ornyna dereý kelgen tártip saqshylary órt sóndirý qyzmeti kelgenge deıin páterdiń esigin qaqty. Temir esik ishinen jabylǵan edi. Polısııa qyzmetkerleri ishte kim bar-joǵyn bilýge tyrysqan. Alaıda, eshkim jaýap qatpaǵan. Jaǵdaıdyń aýyrlyǵyn túsingen polısııa qyzmetkerleri óz betinshe ishke kirýge sheshim qabyldaǵan.
«Ár sekýnd mańyzdy boldy. Áriptesim meni terezege jetý úshin óz moıynyna otyrǵyzdy, sodan keıin áınekti syndyryp, ishke kirdim. Qonaq bólmesinde ornalasqan qoqys úıindisi órtenip ketkenin birden túsindim. Búkil úı ishi tútinge toly bolǵandyqtan, baǵdarlaý óte qıyn boldy. Men bólmelerdi aralap shyqtym, sol jerde páterdiń kilti qaıda ekenin aıtalmaı jatqan ájeni kórdim. Jan-jaǵyma qarasam, tereze janynda er adamdy baıqadym, ol da meniń kiltterdi tabý týraly ótinishime jaýap bermedi. Keıinirek meniń seriktesim terezeden kóterilip, kiltterdi birge izdeı bastadyq. Tútinniń arasynda 3 mınýt boldyq. Qýanyshymyzǵa oraı, kiltter tabylyp, biz bárimiz úıden shyqtyq, al ájeni tórteýimiz birge kóterip alyp shyqtyq», dedi polıseı Aıdyn Ermaǵanbetov.
Esik ashylǵannan keıin polıseıler órtti sóndire bastady. Osy ýaqytta jedel járdem men órt sóndirýshiler keldi. Keıinirek 65 jastaǵy qart áıeldiń júre almaıtyndyǵy anyqtaldy. Ol dereý jedel járdem mamandaryna tapsyryldy. О́zine kelgennen keıin, ol feldsherlerdiń kóndirýine qaramastan aýrýhanaǵa jatqyzýdan bas tartty.
Tártip saqshylary órt shyqqan úıde gaz ballon bolǵandyqtan, órttiń qonaq bólmesine bastalǵany asa qaýip tóndirmegen. Polısııa órt sóndirýshilerdiń kelýin kútpeı, adamdardy evakýasııalap, qutqara aldy. Osylaısha, oqys oqıǵa kezinde eshkim zardap shekken joq.