Memleket basshysy Qasym-Jomart Toqaev Nebras Power kompanııasy dırektorlar keńesiniń tóraǵasy Muhammed Nasser Ál-Hadjrıdi qabyldady, dep jazady Egemen.kz Aqordaǵa silteme jasap.
Kezdesýde energetıka salasyndaǵy yntymaqtastyqtyń perspektıvalary jáne jańartylatyn energııa kózderine ınvestısııa tartý máselesi talqylandy.
Qasym-Jomart Toqaev Qazaqstannyń kómirtegi beıtaraptyǵyna qol jetkizýge basa mán beretinin aıtty. Osyǵan oraı Memleket basshysy Nebras Power kompanııasynyń elimizde jańartylatyn energııa kózderin damytýǵa qyzyǵýshylyq tanytyp otyrǵanyn joǵary baǵalady.
Muhammed Nasser Ál-Hadjrı qurmet kórsetkeni úshin Qasym-Jomart Toqaevqa alǵys aıtty. Sondaı-aq «Samuryq-Qazyna» aksıonerlik qoǵamymen birlesip, Qazaqstanda sý-energetıka jobasyn júzege asyrýǵa qatysty josparyn jetkizdi. Búgin múddeli taraptar arasynda tıisti kelisimge qol qoıyldy.
Sonymen qatar áńgimelesý barysynda energetıka sektorynda metan qaldyqtaryn azaıtý jónindegi yntymaqtastyq máseleleri talqylandy.
Prezıdent Nebras Power kompanııasy dırektorlar keńesiniń tóraǵasyn aldaǵy ýaqytta ótetin Astana halyqaralyq forýmyna qatysýǵa shaqyrdy. Jıyn aıasynda asa mańyzdy óńirlik jáne jahandyq máseleler talqylanady.