Týrızm jáne sport mınıstrliginiń keńeıtilgen alqa otyrysynda kúzde ótetin Dúnıejúzilik kóshpendiler oıynyna daıyndyq barysy týraly aıtyldy, dep jazady Egemen.kz vedomstvonyń baspasóz qyzmetine silteme jasap.
8-14 qyrkúıek aralyǵynda ótetin dúbirli dodaǵa ázirlik jaıynda «Dúnıejúzilik kóshpendiler oıyndaryn daıyndaý jáne ótkizý jónindegi dıreksııa» jetekshisiniń orynbasary Abylaı Qondybaev baıandady.
«Ashylý saltanaty «Astana Arena» stadıonynda ótse, kúres túrlerinen doda Jaqsylyq Úshkempirov atyndaǵy Jekpe-jek saraıynda», «Alaý» muz saraıynda halyq oıyndary men jekpe-jek túrlerinen doda bolady. ««Qazaqstan» jeńil atletıka kesheninde akredıtteý men jabdyqtaý shtaby ornalasady. «Dýman» konferens zalynda dástúrli zııatkerlik oıyndar uıymdastyrylsa, «Qazanat» atshabarynda at sporty jáne kórneki jarystar ótedi», dedi A.Qondybaev.