Fýtboldan ÝEFA Chempıondar lıgasynyń taǵy eki oıyny ótti. Bul joly Rımniń «Lasıosy» Mıýnhenniń «Bavarııasyn» jáne Parıjdiń PSJ-sy San-Sebastıannyń «Real Sosedadyn» qabyldady.
Kóne qalanyń Olımpıadalyq stadıonynda sensasııalyq nátıje tirkeldi. Eýrokýbok jolyndaǵy jarystarda uzaq jyldar boıy «Bavarııanyń» osal tusyn taba almaı júrgen «Lasıo» bul joly kózdegen maqsatyna qol jetkizdi. Báseke taǵdyryn 69-mınýtta 11 metrlik núkteden Chıro Immobıle soqqan jalǵyz gol sheshti – 1:0. Sol tusta mıýnhendikterdiń qorǵaýshysy Daıo Ýpamekano dóreki oıyny úshin alańnan qýyldy. Biraq ıtalııalyq komandaǵa qýanýǵa áli erte. О́ıtkeni 5 naýryzda nemis jerinde ótetin qarymta matchta olar ketken eseni qaıtarý úshin baryn salady.
PSJ men «Real Sosedadtiń» oıynynda da alǵashqy taımda esep ashylǵan joq. Al úzilisten keıin alań ıeleri birneshe asa qaýipti shabýyldar uıymdastyryp, sonyń ekeýi nátıjeli aıaqtaldy. 58-mınýtta Kılıan Mbappe men 70-mınýtta Bredlı Barkola nysanany dál kózdedi. Esep – 2:0.