Prezıdent Qasym-Jomart Toqaev Úkimettiń keńeıtilgen otyrysynda eldiń áleýmettik salasyna nazar aýdarý qajettigin aıtty. Sonyń ishinde halyqtyń turmys jaǵdaıyn kóterý jáne jumyspen qamtý, kómekke muqtaj adamdarǵa járdem berý máselelerine aıryqsha toqtaldy.
Din salasyndaǵy sarapshy maman retinde men Memleket basshysynyń bul oı-pikirleriniń asa mańyzdy ekenin aıtar edim. О́ıtkeni qoǵamdaǵy destrýktıvti dinı ıdeıalardyń taralý sebepterin tereńnen zerttep kórsek, ol jerde de halyqtyń áleýmettik jaǵdaıy men jumyssyzdyq máselesi jatqanyn kóremiz. Bul – arnaıy jan-jaqty taldaýdy qajet etetin taqyryp. Ásirese áleýmettik-ekonomıkalyq ortanyń yqpaly kóp.
Adamdar ekonomıkalyq qıyndyqtarǵa, jumyssyzdyqqa nemese resýrstardyń ádiletsiz túrde teńsizdikpen bólinýine tap bolǵanda qoǵamdyq narazylyq pen túńilý paıda bolady. Osyndaı kezde adamdar qalyptasqan jaǵdaıdan shyǵar jol retinde destrýktıvti ıdeıany qabyldaýǵa beıim bola túsedi.
Sondyqtan áleýmettik qorǵaýdy jaqsartý jáne jumyssyzdyqtyń qysqarýyna jaǵdaı jasaý – osy saladaǵy problemanyń azaıýyna jol ashatyn alda turǵan mindetter. Bular áleýmettik turaqtylyqtyń nyǵaıýyna sebep bolyp qana qoımaı, qoǵamda jaǵymsyz úrdisterdiń taralýynyń da aldyn alady. Prezıdentimiz osynyń bárin oı eleginen ótkizip aıtyp otyrǵany talassyz. Búkil qoǵam bir jeńnen qol, bir jaǵadan bas shyǵaryp, jalpyǵa ortaq jaǵdaı jasaýǵa talpynyp, halyq sanasyn ýlaǵan destrýktıvti úrdisterden bas tartsa, quba-qup. Halqymyz osy aspektilerge kóńil aýdaryp, turaqty, saýatty ári tolerantty ortany damytý úshin jumys isteýi kerek. Bul ásirese jastar arasynda destrýktıvti aǵymdardyń áreket etýine toqtaý salady.
Gúlnaz RAZDYQOVA,
dintanýshy-sarapshy
Pavlodar