Almatydaǵy baraholka bazarynyń qoımasynan órt shyqty. Bul týraly qalalyq TJD baspasóz qyzmetinen málim etti, dep habarlaıdy Egemen.kz.
Búgin saǵat 10:40-ta órt sóndirýshiler Jetisý aýdanyndaǵy Kókmaısa-27 yqshamaýdany mekenjaıyna órttiń joǵary deńgeıi týraly habarlamaǵa shyqty.
Ashyq jalynmen qoımanyń shatyry órtenip jatyr. Jaqyn mańdaǵy ákimshilik ǵımaratty sóndirý jáne qorǵaý úshin órt oqpandary tartyldy.
«Jaǵdaı qala boıynsha beınebaqylaý kameralarynyń jáne tútin men órtti anyqtaýdyń kómegimen tótenshe jaǵdaılar baqylaýynda. Jedel shtab jumyldyryldy, eki órt sóndirý aımaǵy quryldy. Jeke kólikter kedergi jasap jatyr, ózara árekettesý qyzmetteri nysandy toktan ajyratyp jatyr», delingen TJD habarlamasynda.
Saǵat 11.31-de janyp jatqan qoımadan 1 gaz ballony (kólemi 25 l) evakýasııalandy. О́rtti sóndirý jarylys qaýpi bar zattardyń (gaz ballondary, aerozoldi gaz ballondary, lak-boıaý buıymdary) bolýymen kúrdelene tústi.
Oqıǵa ornynda TJD jeke quramynyń 104 adamy jáne 29 tehnıkasy jumys istep jatyr.
Saǵat 12.28-de qabyldanǵan sharalardyń arqasynda órt oqshaýlandy.