Ábıbanyń Ázerbaıjandaǵy qolasy

Alǵashqy kezeńde bos bol­ǵan 48 kg salmaqtaǵy Ábý­jaqynovanyń kelesi kezeńde Afrıka chempıony, mav­rıkalyq Prıssılla Mo­rannan mereıi ústem bol­dy. Shırek fınalda ol Shvesııanyń jas juldyzy, qyzdar arasyndaǵy álem birinshiliginiń jeńimpazy Tara Babýlfathqa jol berdi. Bul básekeniń taǵdyryn «shıdo» sheshti. Úsh eskertý alǵan Ábıba bas júlde úshin talasý múmkindiginen aıyryldy. Sol 18 jasar Skan­dınavııa túbeginiń su­lýy Baký­degi jarysta qarsylas shaq keltirmeı, altynnan alqa taqty. Odan keıin jas­óspirimder Olımpıadasy men Dúnıejúzilik Ýnıver­sıa­danyń júldegeri, ázer­baıjandyq Leıla Álıeva men belgııalyq Loıs Petıt­tiń aıaǵyn kókten keltirgen Ábıba qola medaldi moınynda jarqyratty.

60 kg salmaq dárejesin­degi Dáýren Súıkenov al­ǵashqy aınalymdarda ıta­lııalyq Samýel Aversa men úndistandyq Vıdjaı Ký­mar­dy qapy qaldyrǵanymen, shı­rek fınalda grýzııalyq Temýr Nosadzege ese jiberdi. Jubanysh kezdesýinde ol ózbek Kamoloddın Bah­tıe­rovadan utyldy. 66 kg sal­maqtaǵy Suńǵat Jubathan­nyń fılıppındik Kodo Na­kano men ızraıldik Tal Flıtcherge áli jetkenimen, ıspandyq Alberto Martın Gaıteroǵa qarsy aıqasta osal­dyq tanytty. Jubanysh saıysynda qandasymyz re­seı­lik Rýfat Áláskerovke jol berdi.

Baýyrjan Narbaev (60 kg) tusaýkeser kezde­sýin­de tájikstandyq Muham­med­salah Qývatovtan, Almas Ǵa­lymov (66 kg) ıspanııalyq Neto Chınarrodan, Ǵalııa Tyn­baeva (48 kg) aýstrııalyq Katarına Tanserden, Bal­nur Ábdeshova (52 kg) hor­vatııalyq Ana Vıktorııa Pý­lızden, Tolǵanaı Ábe­ýova (52 kg) ıtalııalyq Odet­te Djýffrıdadan jáne Bal­nýr Qusaqbaeva (57 kg) fın­lıandııalyq Pıhla Salonnen alǵashqy kezdesýlerinde-aq utyldy.

Jarystyń ekinshi kúnin­degi eń úzdik nátıjemiz – 73 kg salmaq dárejesinde kúres­ken Jansaı Smaǵulov pen Baqyt­jan Ábdirahmanovtyń úshinshi kezeńge deıin jetýi. Alǵashqy eki qarsylasyn jeńgen Jansaı kóp keshik­peı ázerbaıjandyq Rashad Mamadálıevke jol berdi. Birinshi aınalymda bos bol­ǵan Baqytjan ekinshi kez­desýin utqanymen, úshin­shisinde fransııalyq Bend­jamın Gabaǵa tize búkti. Al Aıbol Nysanaly men Ań­sarbek Gaınýllın (81 kg), Zarına Sarıpova men Esmıgúl Kýıýlova (63 kg) jáne Ekaterına Tokareva (70 kg) «shý» degende súrindi.

Keıingi kúni de Qazaqstan qurama komandasynyń mú­sheleri kóńil kónshiterlik nátıje kórsete almady. Ál­bına Jangeldına men Mar­garıta Grısenko (70 kg), Ermahan Ánýarbekov pen Muha­medálı Mavlıdov (90 kg), Ádilet Saparǵalıev (100 kg) jáne Elaman Erǵalıev pen Ádil Orazbaev (+100 kg) alǵashqy aınalymnan aspady. Áıelder arasynda asa aýyr salmaqta aıqasqan Kámıla Berliqash úshinshi ke­zeńde súrinse, 20 jastaǵy Karına Takıeva jubanysh bá­sekesinde jeńilis tapty. So­lardyń arasynan tek Islam Bozbaevtyń jeńis tuǵyry­na kóterilýge jaqsy múmkin­digi boldy. 100 kg salmaq dárejesinde kúsh synas­qan qazaq balýany bastapqy básekelerde kıprlyq Geor­gıos Krýssıanıotakıs pen brazılııalyq Rafael Aýgýs­to Býzakarınıden basym tústi. Shırek fınalda oǵan grýzııalyq Ilıa Sý­la­manıdze san soqyryp ketti. Jubanysh beldesýde Islam serbııalyq Bojan Do­sendi tize búktirgenimen, úshin­shi oryn úshin tartys­ta nıder­landtyq Maıkl Korrelge shamasy jetpedi.