Memleket basshysy Qasym-Jomart Toqaevtyń Prezıdenttik jastar kadrlyq rezervin qurý arqyly daryndy jastardy basshylyq qyzmetke tartý týraly bastamasy óte ózekti jáne mańyzdy dep bilemin.
Birinshiden, búginde memlekettik apparatqa jas ári talantty menedjerler qajet bolsa, ekinshi jaǵynan, Prezıdenttik jastar kadrlyq rezervi jastarǵa memlekettik qyzmette ózin kórsetýge biregeı múmkindik beredi. Kórip otyrǵanymyzdaı, kóptegen jas rezervshi qazirdiń ózinde túrli salada joǵary qyzmetterde jumys istep júr.
Jalpy, bul bastama halyqaralyq ozyq tájirıbege sáıkes keledi. Sondaı-aq Memlekettik qyzmet isteri agenttigi irikteý prosedýralarynyń ashyqtyǵy men shynaıylyǵyn qamtamasyz etedi.
О́z tarapymnan bul bastamanyń mańyzdylyǵy men ózektiligin eskere otyryp, Memlekettik qyzmet jónindegi Astana haby agenttikke rezervke irikteý júrgizýde turaqty túrde saraptamalyq jáne tehnıkalyq qoldaý kórsetip otyrǵanyn atap ótkim keledi. Jas rezervshiler elimizdiń damýyna zor úles qosady dep senemin.
Maqsut О́TEShEV,
Astana memlekettik qyzmet habynyń keńesshisi