Halyqtyń jeke derekteri saqtalǵan memlekettik mańyzdy aqparat júıesine qol suqqan azamattyń kinási tolyq dáleldendi. Aqtaý qalalyq soty ony 3 jylǵa bas bostandyǵynan aıyrdy, dep jazady Egemen.kz.
Qylmysker azamattardyń jeke derekterin úshinshi tulǵalarǵa satpaq bolǵan. Sol maqsatta eldiń aqparattyq-kommýnıkasııalyq ınfraqurylymynyń mańyzdy nysandary bolyp tabylatyn memlekettik aqparat júıelerine zańsyz kirgen. Ulttyq qaýipsizdik komıteti qylmyskerdiń kinási tolyq dáleldengenin málimdedi.
«Qylmystyq kodekstiń 147-baby 3, 4-bólikteri, 205-baby 2-bóligi jáne 208-baby 2-bóligi 1-tarmaǵymen qarastyrylǵan qylmystyq quqyq buzýshylyqty jasaýda kináli dep tanylǵan Qazaqstan azamatyna qatysty Aqtaý qalasy sotynyń úkimi zańdy kúshine endi», dep habarlady UQK baspasóz qyzmeti.