Úkimet qaýlysymen Jomart Shııapuly Álıev ekologııa jáne tabıǵı resýrstar vıse-mınıstri bolyp taǵaıyndaldy. Bul týraly Úkimettiń baspasóz qyzmeti habarlady, dep jazady Egemen.kz.
Jomart Álıev 1969 jyly Aqmola oblysynda dúnıege kelgen.
V.I. Lenın atyndaǵy Qazaq polıtehnıkalyq ınstıtýtyn, A. Myrzahmetov atyndaǵy Kókshetaý ýnıversıtetin bitirgen.
Eńbek jolyn 1985 jyly Kókshetaý oblysy Krasnoıar sovhozynda mehanızator bolyp bastaǵan.
1993-1999 jyldary — «Vasılkovskıı» taý-ken baıytý kombınaty keniniń ashyq taýly jumystar ýchaskesiniń sheberi.
1999-2002 jyldary — Tabıǵı resýrstar jáne qorshaǵan ortany qorǵaý mınıstrligi Geologııa jáne jer qoınaýyn qorǵaý komıtetiniń metaldar jáne kómirsýtek shıkizaty bólimderiniń bas mamany.
2002-2005 jyldary — «Ortalyqqazjerqaınaýy» aýmaqtyq basqarmasynyń óńirlik jer qoınaýyn qorǵaý jáne paıdalaný ınspeksııasynyń bastyǵy.
2005-20010 jyldary Qorshaǵan ortany qorǵaý mınıstrliginiń qurylymynda ártúrli qyzmetterdi atqardy.
2010-2012 jyldary — Munaı jáne gaz mınıstrligi Munaı-gaz keshenindegi memlekettik ınspeksııalaý komıteti memlekettik baqylaý jáne ruqsat berý basqarmasynyń sarapshysy; bas sarapshysy.
2012-2014 jyldary — Qorshaǵan ortany qorǵaý mınıstrligi Ekologııalyq retteý jáne baqylaý komıteti tóraǵasynyń orynbasary.
2014-2017 jyldary Energetıka mınıstrliginde basshylyq qyzmetterde boldy.
2017-2022 jyldary «Qazaqstanda energııa tıimdiligin arttyrý» jobasy aıasynda «Elektr energetıkasyn damytý jáne energııa únemdeý ınstıtýty (Qazaqenergııasaraptama)» AQ-men kelisimshart boıynsha jumys istedi.
2023 jyly — Ekologııa jáne tabıǵı resýrstar mınıstriniń keńesshisi.
2023-2024 jyldary — QR ETRM Ekologııalyq retteý jáne baqylaý komıtetiniń tóraǵasy.
2024 jylǵy aqpan aıynan bastap — ekologııa jáne tabıǵı resýrstar vıse-mınıstri.
Buryn osy orynda bolǵan Bekmaǵambetov Dosbol Botashuly qyzmetinen bosatyldy.