Keshe Májilistiń plenarlyq otyrysynda áıelderdiń quqyqtaryn jáne balalardyń qaýipsizdigin qamtamasyz etýge qatysty zań jobasy birinshi oqylymda qabyldandy. Qujatta turmystyq zorlyq-zombylyq máselelerin sheshýdiń jan-jaqty tásilderi qarastyrylǵan.
Zań jobasy Prezıdenttiń byltyr kúzde jarııalaǵan Joldaýyn júzege asyrý aıasynda ázirlendi. Jalpy, osy jobaǵa sáıkes túrli zań aktilerine 70 túzetý engizý kózdelip otyr. Sonyń ishinde, otbasylarǵa kómek kórsetý ınfraqurylymyn qalyptastyrýǵa baǵyttalǵan ózgeristerdi, sondaı-aq turmys salasyndaǵy qylmystar jáne balalarǵa qarsy jasalǵan zorlyq-zombylyqtyń barlyq túri úshin jazany kúsheıtýdi atap ótýge bolady. Máselen, adamdy uryp-soqqany, densaýlyqqa jeńil, aýyrlyǵy ortasha jáne aýyr zııan keltirgeni, azaptap-qınaǵany úshin qylmystyq jaýapkershilik engizildi jáne kúsheıtildi. Budan bólek, turmystyq zorlyq-zombylyq faktilerin anyqtaýǵa jáne aldyn alýǵa baǵyttalǵan birqatar shara kózdelgen. Zań jobasyn depýtattar memlekettik organdary, sarapshylar qaýymdastyǵy jáne qoǵamdyq uıymdarmen birlesip ázirledi. Bul qujatty daıyndaýǵa Bala quqyqtary jónindegi ýákil Dınara Zákıeva belsene atsalysty.
Erlan QARIN,
Memlekettik keńesshi