29 aqpan men 12 naýryz aralyǵynda Italııanyń Býsto-Arsısıo qalasynda bokstan Parıj olımpıadasynyń lısenzııalyq týrnıri ótedi. Alǵashqy álemdik irikteý dodasyna elimizdiń qyzdar quramasy attandy, dep jazady Egemen.kz Qazaqstan boks federasııasyna silteme jasap.
Qyzdar quramasynyń bas bapkeri Shámil Safıýllın, Alýa Balqybekova (50 keli), Jaına Shekerbekova (54 keli), Rımma Volosenko (60 keli), Natalıa Bogdanova (66 keli), Valentına Halzovaǵa (75 keli) senim artpaq.
Álemdik irikteý týrnıri bastalǵanǵa deıin burymdy boksshylar Italııanyń Assızı oqý-jattyǵý jıynyn ótkizedi. Ázirge qyzdardyń enshisinde Parıj Olımpıadasynyń bir joldamasy ǵana bar. Byltyr kúzde Qytaıdyń Hanchjoý qalasynda ótken jazǵy Azııa oıyndarynda Karına Ibragımova (57 keli) lısenzııa ıelengen bolatyn.