Qostanaı qutqarýshylary borandy kúni avtobýs buzylyp, jolda qalǵan sheteldikterdi evakýasııalady, dep jazady Egemen.kz Tótenshe jaǵdaılar mınıstrliginiń baspasóz qyzmetine silteme jasap.
«22 aqpanda Qostanaı oblysy Qarabalyq aýylynyń mańynda respýblıkalyq mańyzy bar «Ekaterınbýrg-Almaty» tas jolynda Tájikstan azamattary mingen avtobýs qasat qarǵa keptelip qaldy. Avtobýstyń buzylýyna dızeldik otynnyń qatyp qalýy sebep bolǵan. Tótenshe jaǵdaılar qyzmetiniń kúshteri Qostanaı oblysynyń JAO, PD jáne jol qyzmetimen birlese otyryp, 55 adamdy, onyń ishinde 6 balany jylytý pýnktine evakýasııalady», delingen aqparatta.
Sheteldik azamattar qostanaılyq qutqarýshylarǵa alǵys aıtty.