Elordada advokat óz qorǵaýyndaǵy adamdardan 164,9 mln teńge para alǵan. Sottalýshy alaıaqtyq jolmen alǵan qarajatyn óz qyzmetiniń aqysy retinde kórsetip, alqabıler sotyn sendirgisi kelgen, dep habarlaıdy Egemen.kz Astana qalasynyń prokýratýrasyna silteme jasap.
Alqabıler onyń birneshe ret alaıaqtyq jasaǵanyn jáne qorǵaýyndaǵy azamattardy asa iri mólsherde para berýge ıtermelegeni úshin kináli dep tanyp, memlekettik qyzmette isteý quqyǵynan aıyryp, 11 jylǵa sottady.
Al alynǵan para nysany zańsyz alynǵan múlik retinde tanylyp, memleket kirisine óndiriletini habarlandy. Úkim zańdy kúshine endi.