Jedel-izdestirý sharalary nátıjesinde Túrkistan oblysy PD Ekstremızmge qarsy is-qımyl basqarmasynyń qyzmetkerleri UQKD jáne prokýratýramen birlesip, esirtki zattaryn satýmen aınalysqan eki kúdiktini anyqtady, dep jazady Egemen.kz Polisia.kz-ke silteme jasap.
«Kentaý qalasynda turatyn biriniń úıin tintý kezinde jedel ýákilder esirtki zerthanasy men prıtondy anyqtady. Sonymen qatar quramynda apıyn bar 10 ml 2 quty, pakettegi marıhýana, esirtki daıyndaýǵa arnalǵan zattar men sholaq myltyq tárkilendi. Ekinshi kúdiktiniń mekenjaıynan radıkaldy mazmundaǵy dinı kitap tabyldy. Kúdiktiler Kentaý men Túrkistan qalasynyń turǵyndary, olardyń biri destrýktıvti dinı aǵymnyń jaqtaýshysy retinde esepte tur. Ekeýi de buryn sotty bolǵan. Qazirgi ýaqytta sotqa deıingi tergeý amaldary júrgizilip jatyr», dep jazylǵan aqparatta.
Kúdiktiler qamaýǵa alyndy.