Jambyl oblysynda quny 10 mln teńgeni quraıtyn úndi marıhýanasy tárkilendi. «Tosqaýyl» jedel-profılaktıkalyq is-sharasy aıasynda Taraz qalasynyń 50 jasar turǵyny esirtki zattaryn saqtaǵany anyqtaldy, dep jazady Egemen.kz Polisia.kz-ke silteme jasap.
«Iаgo esimdi qyzmettik ıt turǵylyqty jerin tintý kezinde qora men baqshada jasyrylǵan esirtkini tabýǵa kómektesti. Kúdikti tyıym salynǵan zattardy kanıstrlerde saqtaǵan. Jalpy salmaǵy 4 keli 604 gramm keptirilgen úndi marıhýanasy tárkilendi», delingen aqparatta.
Jambyl oblysy PD Esirtki qylmysyna qarsy is-qımyl basqarmasynyń bastyǵy polısııa polkovnıgi Álim Bajyqbaev kúdikti qamalyp, sotqa deıingi tergeý amaldary júrgizilip jatqanyn aıtty.