Bul Qazaqstanda endi ǵana damyp kele jatqan sport túriniń biri. Astanada ótip jatqan jarysqa elimizdiń ár óńirinen barlyǵy 200-den astam qatysýshy kelgen, olardyń kóbi áskerıler, dep habarlaıdy Egemen.kz.
Astana qalasynyń dene shynyqtyrý jáne sport basqarmasynyń baspasóz qyzmetiniń málim etýinshe, atalǵan sport túriniń ereksheligi, nysanalardy bir orynnan turyp emes, júgirip júrip atý kerek. Iаǵnı kez kelgen buryshtan oq jaýdyryp, jattyǵýdy jyldam oryndap shyǵý qajet. Bundaı jarysqa qatysý úshin birqatar anyqtamalar jáne qarý qoldanýǵa ruqsatnama qujat qajet. Sondyqtan da atalǵan týrnırge qatysýshylardyń kóbi áskerıler, degenmen, qatysýshylardyń arasynda basqa saladaǵylar da bar. Mergendik pen shapshańdyq synalatyn týrnırge qatysýshylar «bastysy jeńis emes, saıystyń adrenalınin seziný» deıdi.