25 aqpan kúni kúndizgi saǵat 10:14 shamasynda Almaty qalasynda jer silkinisi tirkeldi, dep jazady Egemen.kz Tótenshe jaǵdaılar mınıstrliginiń baspasóz qyzmetine silteme jasap.
«TJM seısmologııalyq baqylaý jáne zertteý Ulttyq ǵylymı ortalyǵynyń seısmıkalyq stansııalarynyń jelisimen epısentr týraly aqparat, baldyq kórsetkish óńdelýde. О́zara is-qımyl algorıtmine sáıkes tıisti memlekettik organdarǵa habarlandy. Polısııa departamentiniń jedel kezekshisine aqparat jetkizildi, qalanyń ǵımarattary men qurylystaryn qıraý men búliný mánine kózben sholyp qaraý týraly aqparat jınaý úshin, qıraýdyń bolýyna, tirshilikti qamtamasyz etý obektileriniń jumys isteýine monıtorıng júrgiziledi», delingen aqparatta.
Jer silkinisiniń oshaǵy Almatydan 261 shaqyrym qashyqtyqta Qytaı aýmaǵynda boldy. MPV magnıtýdasy 5.9 bolǵan jer silkinisiniń tereńdigi 10 shaqyrym.