Jyl basynan beri 11,2 myń azamat «Skills Enbek» kásiptik oqytý platformasynda onlaın-kýrstardan ótkeni týraly sertıfıkat aldy. Olardyń ishinde 5,7 myńǵa jýyq adam – jumyssyz. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.
Platformada barlyǵy 368 myń azamat bolsa, onyń 12,5 myńy 2024 jyly tirkeldi. Bıyl oqýdan ótken 5,7 myń jumyssyz azamattyń 1,7 myńǵa jýyǵy – negizinen Túrkistan, Jambyl, Qostanaı oblystary men Shymkent qalasynyń jastary.
Platforma iske qosylǵannan bastap avtorlar ártúrli baǵyt boıynsha 475 kýrs jarııalady. Onyń 241-i – tegin. Sondaı-aq odan ári oqý úshin bilim berý alańdaryna aýysý múmkindigimen «Courstore» jáne «Fluent Education» seriktesteriniń kýrstary bar. Kýrstardyń uzaqtyǵy 1-den 72 saǵatqa deıin.
Qańtar aıyndaǵy eń kóp suranysqa ıe kýrstar – «Júrip-turýy qıyn adamdardy alyp júrýge arnalǵan jeke kómekshiniń kásibı kýrsy», «Ekologııalyq qaýipsizdik negizderi», «Satýshy», «Qarjylyq saýattylyq», «Mektep jasyna deıingi balalarmen jumys».
Platformada turý jáne tamaqtaný, qurylys jáne TKSh, áleýmettik qyzmet kórsetý, qarjy jáne býhgalterlik esep, aqparattyq tehnologııalar jáne t.b. salalardaǵy túrli mamandyq boıynsha tegin kýrstar sany únemi artyp keledi.
Byltyrǵy jeltoqsan aıynan bastap kýrstardy «Enbek» mobıldi qosymshasy arqyly oqýǵa bolady. Qosymshany Google Play jáne App Store-dan júkteýge bolatynyn esterińizge salamyz.