Tabıǵatpen úndesken kórme

Osy jyldyń basynan eli­mizde qazaq beıneleý óne­riniń negizin salýshy, Qa­zaq­stan­nyń halyq sýret­shisi Ábil­han Qasteev pen KSRO ha­lyq sýretshisi Oral Tan­syq­baev­­tyń 120 jyldyǵy atalyp ótip jatyr. Osy oraıda, bul shyǵarmashylyq kórme­sin bala kúninen ózine pir tutqan aıtýly qos tulǵa rýhyna ar­­na­ǵan sýretshi Seısenhan Oryn­­bekuly ár jyldarda jaz­­ǵan peızaj janryndaǵy týyn­dylaryn ónersúıer qa­ýym nazaryna usyndy. Astana­daǵy «NAS SANAT» galereıa­syn­da ashylǵan kórmege bel­gili memleket jáne qoǵam qaırat­ker­lerimen qatar qa­rapaıym jurtshylyq kóp jı­naldy.

Is-sharaǵa arnaıy qatys­qan Senattyń Áleýmettik-mádenı damý jáne ǵylym komıteti­niń tóraǵasy Nurtóre Júsip alǵash­qy sózdi alyp, S.Mahanbettiń qylqalamy­nan týyndaǵan kartınalaryna joǵary baǵa berdi. Sony­men birge Májilistiń Ha­lyqaralyq ister, qorǵanys já­ne qaýipsizdik komıtetiniń tór­aǵasy Aıgúl Quspan men Má­jilis depýtaty Qazybek Isa sóz alyp, sýretshige shy­ǵar­mashylyq tabys ti­lep, onyń týyndylaryna bu­ryn­nan qyzyǵýshylyq tany­ta­tyny týraly jyly lebiz­derin bildirdi. Kórmege qo­ıyl­ǵan kartınalarynyń ózin­dik ereksheligi men peızaj janr­daǵy shynaıy da tabıǵı qol­tańbasyna toqtaldy.

Kórmeniń ashylýynda Túrk­­SOI-dyń bas hat­shy­­sy Sul­­tan Raevtyń Seısen­han Ma­han­betke joldaǵan qut­tyq­taý haty oqyldy. «Qa­rym­­dy da talantty qyl­qalam she­­beri retinde shyǵarma­shy­­lyǵyńyzdy joǵa­ry ba­ǵa­lap, 2022 jyly túrki álemi sý­ret­shileri ara­syn­da Sizdi TúrkSOI-dyń eń jo­ǵary ma­rapaty – Al­tyn medal tós­belgisimen mara­pat­taǵa­ny­myzdy jurtshylyq jaq­sy bi­ledi. Esimi kúlli el esinde qal­ǵan, óner jolyńyzda kýmır tutqan qos sheberge arnap óz shyǵarmashylyǵyńyz­ben kórme ashyp jatqanyńyzǵa ­ma­ńyz bere otyryp, TúrkSOI uıymy atynan shyǵarma­­shy­lyq tabys, zor densaýlyq, taýsylmas qaırat, shalqar shabyt tileımin» delingen qut­tyqtaýda.

Sonymen birge Mádenıet jáne aqparat mınıstrligi Má­denıet komıtetiniń bas­qar­ma basshysy Gúlzeı­nep Ánapııaqyzy Mádenıet já­ne aqparat mınıstri Aıda Ba­laevanyń quttyqtaý hatyn oqyp, kórme ıesine bir shoq gúlin tabystady. «Sizdi qalyń jurtshylyq qazaq beı­neleý ónerinde ózindik qol­tańbasy bar keskindemeniń has sheberi retinde jaqsy tanıdy. «Kesenege kirer qaqpa», «Jeńispen oralý» jáne ózge de mazmundy týyndylary­ńyz qazaqstandyq beıneleý óneriniń altyn qoryna endi» degen mınıstr qylqalam she­berine mártebesi bıik beıneleý óne­riniń naǵyz maıtalmany re­tinde elimizdiń ataq-dańqyn odan ári arttyra berýine tilektestigin bildirdi. Is-sha­raǵa qatysqan qo­naq­tar arasynan «Daryn» mem­leket­tik syıly­ǵy jazýshy Aıgúl Kemelbaeva da S.Mahanbetke izgi tilegin bil­dirip, sýretshi men onyń kartınalary týraly esse jazatynyn jetkizdi.

Eske sala ketsek, elor­da­myzdyń sol jaǵalaýyndaǵy «NAS SANAT» galereıasynda ashyl­ǵan kórme naýryz aıy­nyń 15-ine deıin ashyq bola­dy. Kórermender nazary­na qylqalam sheberiniń 65 kar­­tınasy qoıylǵan. Kelem deý­­shilerge esik ashyq.