Jaman indet Besqaýǵadaǵy jylqyǵa da jetti

О́ńirlik veterınarııa basqar­masy epızootııaǵa qarsy is-sha­ralar bóliminiń basshysy Sa­mat Majırov habarlaǵandaı, epızoo­tııalyq lımfangıt Eki­bastuzǵa qarasty Besqaýǵa aý­lyndaǵy «Qýanysh» sharýa qo­jalyǵynda tirkelgen.

«Bıyl 14 aqpanda Eki­bastuz aýyldyq aımaǵynyń Qoıandy aýyldyq okrýgine qa­ras­ty Besqaýǵa aýlynda 1 bas jylqy ólgeni tirkel­di. Jyl­qylar ara­synda epızo­otııa­lyq lımfangıt jáne sa­qaý aýrýlaryn boldyrmas úshin patologııalyq materıal irik­telip, zerthanaǵa jiberildi. 19 aqpan kúni zert­hanalyq zertteý­ler ólgen janýarda epı­zoo­tııalyq lımfangıt derti bolǵanyn anyqtady. Tabynda shamamen 624 jylqy bolǵan, onyń 223-i – bıeler», dep má­limdedi veterınarııa bas­qarmasynyń ókili.

Eldi mekende lımfangıt aýrýynyń rastalýyna baıla­nysty Qoıandy aýyldyq okrý­gi ákiminiń qaýlysymen 20 aqpannan jylqylarǵa epı­zootııalyq karantın salyndy. Karantındik jaǵdaılarda aýrý janýarlardan alynǵan ónimderdi satýǵa, tasymaldaýǵa, ákelýge, áketýge jáne paıda­lanýǵa tyıym salynady.

«Veterınarııalyq-sanı­tar­lyq erejelerge sáıkes aýrý mal qan shyǵarylmaı joıylýy kerek. О́lgen janýarlardyń ushasy terisimen birge joıy­lady. Ekibastuz qalasynda ja­nýarlardyń ólikterin ór­teý úshin jyljymaly órt són­­dirý qondyrǵysy jumys isteıdi. Janýarlardy saýyq- t­yrý sharalary, sondaı-aq sha­rýashylyqtan alyp qoıyl­ǵan jáne joıylǵan aýrý ja­nýarlardyń qunyn óteýdi Res­­­pýblıkalyq epı­zootııa­ǵa qar­sy jasaq júzege asy­rady. Al karantın sońǵy aýrý mal joıylǵannan keıin, jyl­qy­lardy qorytyndy klı­­nıkalyq tekserýden, úı-jaı­lardy tazalaýdan jáne dezınfeksııalaýdan ótkizgen soń, úsh aıdan keıin alynady», dep túsindirdi S.Majırov.

Mamannyń sózinshe, epı­zootııalyq lımfangıt – lımfa tamyrlary men lımfa tú­ıin­­deriniń zaqymdalýynan te­ri­niń, teriasty tinderiniń iriń­di qabynýymen sıpattala­tyn taqtuıaqtylardyń sozylma­ly juqpaly aýrýy. In­feksııa qoz­dyrǵyshynyń kózi – aýrý mal. Taralý faktorlary – at ábzelderi, baılaý ba­ǵan­dary, kútim zattary (mataly kór­peler, sómkeler, shelekter, ta­raq­tar jáne t.b.), tósek-oryn jab­dyqtary, kóń, aýrý ja­nýar­lardyń sekresııasymen las­tanǵan quraldar. Infeksııa ne­gizinen aýrý janýarlarmen baılanys arqyly júredi. Dertke urynǵan maldyń etin jeýge jáne janýarlarǵa berýge tyıy­m salynady. Aýrý anyq­talǵan úı-jaılar dezınfeksııa­lanady.

О́ńirlik veterınarııa basqar­masy qazir Qaraǵandy oblysymen shekaralas aýdandardyń (Maı, Baıanaýyl aýdandary men Ekibastuz qalasy) ákim­de­rine maldardyń qozǵaly­syna, shalǵaıdaǵy mal aıdaý pýnkt­terine baqylaýdy kú­sheıtý, veterınarııa mamandaryna ha­lyqpen túsindirý jumys­taryn júrgizýge kómektesý týraly hattar joldaǵan.

Qoıandy aýyldyq okrýginiń ákimi Erjan Ýrazalımovtiń aı­týynsha, búginge deıin «Qýa­nysh» sharýa qojalyǵynda juq­paly dertten 3 bas mal ólgen. Sha­rýa­shylyqtaǵy ózge ja­nýarlar veterınarııalyq dári­gerlerdiń baqylaýynda.

Pavlodar oblysy,

Ekibastuz aýyldyq aımaǵy