Senattyń Ekonomıkalyq saıasat, ınnovasııalyq damý jáne kásipkerlik komıtetiniń depýtattary keńeıtilgen otyrys ótkizip, bıznesti júrgizý týraly zań erejelerin talqylady.
Zań Memleket basshysynyń jekelegen tapsyrmalaryn iske asyrý maqsatynda jáne memlekettik baqylaý men qadaǵalaý sıpattaryn retke keltirýge, kásipkerlik qyzmetti júrgizý men damytý jaǵdaılaryn jaqsartýǵa baǵyttalǵan.
Senatorlar memlekettik orman qory jerlerin basqa sanattaǵy maqsattaǵy jerlerge, onyń ishinde oblystyq jáne aýdandyq mańyzy bar joldardy salýǵa aýystyrý múmkindigin saqtaýǵa baılanysty, saýda qyzmetin retteý salasynda ýákiletti organ aıqyndaıtyn shekti saýda ústemesin qoldaný tártibin belgileýdi kózdeıtin erejelerdi talqylady.
Qujatta sonymen qatar áleýmettik mańyzy bar azyq-túlik taýarlaryna baǵany turaqtandyrý tetikterin iske asyrý kezinde memlekettik ataýly áleýmettik kómek alýshylarǵa qoldaý kórsetý, óńdeý ónerkásibi kásiporyndaryn otandyq shıkizatpen qamtamasyz etý tetigin jetildirý, biryńǵaı tólem bólshekterindegi úlesti qaıta esepteý jáne basqa da máselelerge túzetýler engizý kózdelip otyr.
Depýtattar keńeıtilgen otyrystyń qorytyndysynda zańdy Palatada ekinshi oqylymda qaraýǵa jiberý týraly sheshim qabyldady.