Taıpeıde mánerlep syrǵanaýdan jastar arasyndaǵy álem birinshiliginiń shymyldyǵy túrildi.
Jarys Qazaqstannyń sportshylary úshin sátsiz bastaldy. Qyzdar saıysynyń qysqa baǵdarlamasynda synǵa túsken Ekaterına Balıýba nebári 47, 25 upaı jınap, fınalǵa shyǵa almady. Ol 46 sportshynyń arasynda 34-oryndy qanaǵat tutty. Bul jattyǵýda Ońtústik Koreıanyń ókili Chjı A Sın (73,48 upaı) top jarsa, japonııalyq Mao Shımada (72,60) men Ikýra Kýshıda (66,61) ekinshi jáne úshinshi oryndardy ózara bólisti. Sondaı-aq fınlıandııalyq Ida Karhýnen (64,64) men estonııalyq Elına Goıdına (63,03) úzdik bestiktiń qataryna qosyldy. Jınaǵan upaılaryn esepke alsaq, júldeli oryndar úshin tartys shamasy dál osy mánerlep syrǵanaýshylar arasynda ótedi.
Taıpeıdegi endigi úmitimiz – Oleg Melnıkov. 18 jastaǵy jerlesimiz keshe qysqa baǵdarlamada óner kórsetti.