Baldyrǵandar – «Jas búrkit» klýbynyń múshesi

Ulttyq ulannyń ókilderi Uzyn­aǵashqa arnaıy at basyn buryp, kópshi­likti tánti etken tátti balaqaı­lardy «Jas búrkit» áskerı-patrıottyq qozǵa­lysyna qabyldady. Qýatty qury­lym­nyń «Ońtús­tik» óńirlik qolbasshy­lyǵy qolbasshysynyń tárbıe já­ne áleýmettik-quqyqtyq ju­mys­tar jónin­degi orynbasary, polkovnık Nııaz­taı Álkeshev bastaǵan ulandyqtar men Almaty garnızonynyń áskerı qyzmetshileri, sondaı-aq jergilikti bilim bóliminiń ókilderi balabaqshada erekshe formattaǵy is-shara ótkizdi.

Is-sharanyń shymyldyǵyn ashqan Jambyl aýdandyq bilim bóliminiń bas ádiskeri Salta­nat Ádenova baldyrǵandardyń áleýmettik jeli arqyly tara­ǵan ónerin baǵalap, qoldaý bildirip qut­tyqtap kelip otyr­ǵan Ulttyq ulan­nyń bas­­shylyǵyna rızashylyǵyn bildirdi.

– Áleýmettik jeli degen úlken kúsh bolyp tur. Sol arqyly balabaqshamyzdyń jumysy búginde respýblıkaǵa tarap jatyr. On jyldan beri jumys istep kele jatqan ujym – aýdanymyzdaǵy eń iri ba­labaqshalardyń biri. Mun­­da 200-den asa bala tár­bıe­lenip keledi. Bul meke­me­niń áleýeti óte joǵary, bal­dyr­ǵandary­myz oblysta jáne aýdanymyzda ótetin qoǵam­dyq is-sharalarǵa belsen­di qatysyp turady. Ulttyq qun­dylyqtarymyzdy dáriptep, balalardy patrıot­tyq rýhta tárbıelep jatqan jumysymyzǵa kóńil aýdarǵan ulandyqtarǵa rahmet, – deıdi Saltanat Sábıtqyzy.

«О́rkenıet» bóbekjaı bala­baqsha­synda qonaqtar bala­lardyń uıymdas­tyrýymen ótken saltanatty konsertti tamashalady. Balabaqshanyń jas ónerpazdary áskerı án­derdi oryndap, ulttyq bıden shashý shashty. Keńes Oda­­ǵynyń Batyry, gvardııa pol­kovnıgi Baýyrjan Mo­mysh­uly atyndaǵy 5571 áske­rı bólimindegi «Gene­ral» tobynyń solısi Mádı Ma­qajanov «Adaı» kúıin tartsa, Abaı atyndaǵy Qazaq ult­tyq opera jáne balet teatrynyń solısi Farhat Kýbıev búldirshindermen birge «Atameken» ánin oryndady.

Polkovnık Nııaztaı Ál­keshev búl­­dir­shinderdi pat­rıottyq rýhta tár­bıelep júr­gen ujym basshysy Aq­maral Ǵumarqyzyna Ulttyq ulan bas qolbasshysynyń tárbıe jáne áleý­mettik-qu­qyq­tyq jumystar jónindegi orynbasary Halyq Qahar­many, general-maıor Qaırat Úmbe­tovtiń jáne balalardyń talantyna qanat bitir­gen bala­baqsha tárbıeshisi Aınur Maq­sat­qyzyna «Ońtústik» óńir­lik qolbas­shylyǵynyń qolbasshysy, general-maıor Talapker Ámireevtiń Alǵys­hatyn tabystady.

Osydan keıin bóbekjaı búl­­­dirshinderi «TikTok» áleý­­­met­tik jelisinde tarap, jurt­­­­­­shylyq­ty tamsan­­dyr­­ǵan óner­­­le­rin qonaqtar naza­ryna usyn­­­dy. Jıyn sońyn­da «О́r­ke­­nıet» bóbek­jaı bala­baqsha­synyń 50 baldyrǵanyna «Jas búr­kit» áskerı-patrıot­tyq qozǵa­lysynyń týy, arnaıy em­b­lemasy men bandany ta­bys­­taldy. Osylaısha, alǵash ret balabaqsha baldyrǵandary «Jas búrkit» áskerı-pat­rıot­tyq qozǵalysynyń múshesi atandy.

ALMATY