Germanııada turatyn aqtoǵaılyq jerlesterimiz Esterleın Tatıana, Ýlmer Nellı men Vıktor, Esterleın Gýgo qaza elin 1 naýryz Alǵys aıtý kúnimen quttyqtap, ózderiniń jyly lebizderin bildirdi, dep jazady Egemen.kz Aqtoǵaı ákimdiginiń baspasóz qyzmetine silteme jasap.
Olardyń shetel asyp ketkenderine 30 jyldan asa ýaqyt ótse de, Qazaqstan dese kóńili bólek. Qazaq jerinde turǵan nemister mundaǵy tek jaqsy kúnderin eske alady. Sol úshin de qazaq halqyna alǵys bildiredi.
«Qymbatty Qazaqstandyqtar! Sizder bıyl besinshi jyl qatarynan Alǵys aıtý merekesin atap ótesizder. Osy oraıda, soǵystyń eń surapyl jyldary ata-analarymyz sizderdiń arqalaryńyzda bul kezeńdi bastan ótkergeni úshin, Qazaqstanda týyp-ósip, bilim nárimen sýsyndaǵanymyz úshin, baqytty ótkizgen jastyq shaǵymyz úshin sizderge alǵys aıtqymyz keledi», dedi jerlesimiz.
Sonymen qatar olar osy sátti paıdalana otyryp ózderiniń muǵalimderine, synyptastaryna, dostaryna alǵys bildirdi.
«Qurmetti qazaqtar! Baqytty bolyńdar, denderiń saý bolsyn. Aqtoǵaılyqtarǵa úlken sálem aıtamyn. Dastarqandaryń baı, shańyraqtaryń bıik, at-kólik aman bolsyn», dep izgi tilekterin jaýdyrdy jerlesterimiz.