Ertis óńirindegi 5512 áskerı bóliminiń áskerı qyzmetshileri úshin modýldik úlgidegi zamanaýı kazarmalardyń ashylýy ótti. Saltanatty is-sharaǵa Qazaqstan Respýblıkasy Ishki ister mınıstriniń orynbasary – Ulttyq ulannyń Bas qolbasshysy general-leıtenant Erkin Botaqanov, Pavlodar oblysy ákiminiń orynbasary Dáýren Jabaıbek, «Shyǵys» óńirlik qolbasshylyǵynyń qolbasshysy general-maıor Arman Jumaǵalıev pen ózara is-qımyl organdarynyń ókilderi qatysty, dep jazady Egemen.kz.
Modýldik kazarmanyń qyzyl lentasyn QR Ishki ister mınıstriniń orynbasary – Ulttyq ulan Bas qolbasshysy general-leıtenant Erkin Botaqanov pen «Shyǵys» óńirlik qolbasshylyǵynyń qolbasshysy general-maıor Arman Jumaǵalıev qıdy.
«Búgin biz modýldik úlgidegi jańa kazarmalardyń ǵımarattaryn saltanatty jaǵdaıda ashtyq. Bul sarbazdarǵa degen Qazaqstan Respýblıkasy Qarýly Kúshteriniń Joǵarǵy Bas qolbasshysy Qasym-Jomart Toqaev bastaǵan el basshylyǵynyń, sondaı-aq Ishki ister mınıstrligi men Ulttyq ulan Bas qolbasshylyǵy jáne «Shyǵys» óńirlik qolbasshylyǵynyń qamqorlyǵy dep bilgeısizder.
Ulttyq ulannyń áskerı qyzmetshileri árqashan jeke adamnyń, qoǵamnyń jáne memlekettiń qaýipsizdigin qorǵaıdy. Osy baǵytta abyroıly qyzmet ete berińizder.
5512 áskerı bóliminde qoǵamdyq tártipti saqtaý boıynsha jedel maqsattaǵy batalon ǵana emes, sonymen qatar arnaıy maqsattaǵy bólimsheler de bar. Mundaı jańashyldyqtar aldaǵy ýaqytta da jalǵasyn tabady», dedi Ulttyq ulan Bas qolbasshysy general-leıtenant Erkin Botaqanov.
Jańadan salynǵan modýldik ǵımarattar ártúrli maqsatta qoldanýǵa arnalǵan bólmelerden turady. Atap aıtqanda, modýldik kazarma kezekshi bólmelerden, demalýǵa, oq-dárilerdi, qarýdy saqtaýǵa, qarýdy tazartýǵa, jeke brondy qorǵanys jáne belsendi qorǵanys quraldaryn saqtaýǵa arnalǵan bólmelerden quralǵan. Sondaı-aq munda kezekshi bólimsheniń demalys, jatyn bólmeleri, kıim aýystyratyn, jýynatyn bólmeler, sanıtarlyq torap, dýsh bólmesi, sport zal, jattyǵý zaly, jaýyngerlik daıyndyq synyby, arnaıy daıyndyq taktıkasy synyby, aqparattyq-tárbıe synyby, kıim-keshek pen aıaq kıimdi keptirýge arnalǵan bólme, qoıma, avtotehnıkany saqtaýǵa arnalǵan bokstar bar.
«Ulttyq ulan sarbazdaryna arnalǵan jańa nysan sapaly salynǵan. Sondyqtan quqyqtyq tártip áskeriniń Pavlodar oblysynyń ortalyǵynda qyzmet etip júrgen áskerı qyzmetshilerin quttyqtaımyn! Osyndaı modýldik ǵımarattar kóbirek salynýyna tilektespiz. Biz Ulttyq ulanmen birlesip jumys isteýge árqashan daıynbyz», dedi Pavlodar oblysy ákiminiń orynbasary Dáýren Jabaıbek.
Sondaı-aq saltanatty is-sharaǵa Qazaqstan halqy Assambleıasynyń múshesi Svetlana Shın jáne «Nur ana» qoǵamdyq birlestigi tóraıymynyń orynbasary Taljibek Atambek qatysyp, sóz sóıledi. Al óz kezeginde «Analar júregi» komıtetiniń jetekshisi Lılııa Haırýllına modýldik kazarmanyń kóńilinen shyqqanyn atap ótti.
«Biz balalarymyzdyń ozyq tehnıkalarmen jabdyqtalǵan osyndaı tamasha kazarmada turatynyna qýanyp otyrmyz. Ǵımaratty aralap shyqtym. Kazarma óte jyly jáne jaıly eken. Osyndaı zamanaýı kazarmalar sarbazdardyń alańsyz qyzmet atqarýy úshin jasalǵan», dedi Lılııa Haırýllına.
Is-sharanyń ashylý saltanatynan keıin qurmetti qonaqtar jańa nysan ishine kirip, sarbazdarǵa jasalǵan jaǵdaımen tanysty.
«Bir qabatty jańa kazarmada bizge barlyq jaǵdaı jasalǵan. Kúndelikti tynys-tirshiligimizge qajetti zattardyń bári bar. Bul jerde sporttyq daıyndyq ta jasaı alamyz. Sabaq ótkizýge arnalǵan synyptar da keń. Sondyqtan bizge alańdaýly ata-analarymyz ben baýyrlarymyzǵa jaǵdaıymyzdyń jaqsy ekenin jetkizgim keledi», dedi 5512 áskerı bóliminiń qatardaǵy jaýyngeri Nurlan Táji.
Aıta keteıik, endi jedel polktiń sarbazdary jıhazdary men jabdyqtary ornatylǵan jańa modýldik ǵımarattarda turady. Ár kazarma 100 sarbazǵa arnalǵan. Jańa turǵyn úılerdiń ereksheligi kóp: olar blokty-modýldi, tikburyshty tıpti jáne árqaısysynyń aýdany 1200 sharshy metrdi quraıdy. Avtotehnıkalardy saqtaýǵa arnalǵan bokstardaǵy edennen tóbege deıingi bıiktik – keminde tórt metr, qalǵan úı-jaılardyń bıiktigi – keminde úsh metr.
Eske salaıyq, 5512 áskerı bólimi Qazaq KSR Mınıstrler Keńesiniń 1989 jylǵy 23 qazandaǵy qaýlysymen Pavlodar qalasynda jeke arnaıy motorly mılısııa batalony retinde jasaqtalǵan.
2021 jyldyń 9 jeltoqsanynda batalon polk bolyp qaıta quryldy. 5512 áskerı bóliminiń 200-den asa áskerı qyzmetshisinen turatyn jeke quramy Pavlodar qalasynda 80 jaıaý patrýldeý marshrýttarynda jáne 6 avtomobıl marshrýttarynda qyzmet atqarady.
Polktiń qyzmettik-jaýyngerlik is-qımylynyń negizgi baǵyttary – ishki ister organdarymen birlesip qoǵamdyq tártipti saqtaý, jappaı tártipsizdikterdiń jolyn kesýge qatysý, qoǵamdyq qaýipsizdikti, sondaı-aq tótenshe jáne soǵys jaǵdaıynyń quqyqtyq rejımderin qamtamasyz etýden turady. Budan bólek, terrorızmge qarsy operasııalarǵa, tabıǵı, tehnogendik jáne áleýmettik sıpattaǵy tótenshe jaǵdaılardy jáne olardyń saldaryn joıý jónindegi is-sharalarǵa qatysady.