Sybaılas jemqorlyqqa qarsy qyzmettiń Soltústik Qazaqstan oblysy boıynsha qyzmetkerleri oblystyq máslıhat depýtaty Pavel Býlaevty ustady, dep habarlaıdy Egemen.kz.
Qazaqstan Media saıtynyń jazýynsha, ol birneshe jyldan beri Petropavl ákimdigine qarasty «Tazartqysh, sý tartqysh jáne sý ótkizgish ǵımarattar» KMK basqaryp keledi.
Kommýnaldyq kásiporynnyń orynbasary ári dırektory Pavel Býlaevtyń ustalǵanyn Soltústik Qazaqstan oblysy boıynsha sybaılas jemqorlyqqa qarsy qyzmet rastaǵan. Olar bul is onyń negizgi qyzmetine qatysty ekenin atap ótti.
«Bıýdjet qarajatyn jymqyrdy degen kúdikke ilindi, ol ýaqytsha ustaý ızolıatoryna qamaldy», delingen SQO boıynsha sybaılas jemqorlyqqa qarsy kúres departamenti aqparatynda.
Pavel Býlaev bir jyl buryn oblystyq máslıhattyń depýtaty bolǵan. Ol bir mandatty №13 aýmaqtyq saılaý okrýgi boıynsha «Aq jol» partııasynan saılanǵan.