Elorda polısııasy baǵdarshamnyń sary sıgnalyna ótýge tyıym salý týraly eskertedi, dep habarlaıdy Egemen.kz.
Polisia.kz saıty jazǵandaı, kóbinese jol-kólik oqıǵalary baǵdarshamnyń sary túsi janyp turǵan sátte ótý kezinde bolady.
«Bul rette júrgizýshilerge Qazaqstan Respýblıkasy Jol qozǵalysy erejeleriniń 5-taraýynyń 24-tarmaǵynyń 3-tarmaqshasyna sáıkes baǵdarshamnyń sary sıgnaly qozǵalysqa tyıym salatynyn, al jypylyqtaǵan jasyl sham jaqyn arada tyıym salý sıgnaly shyǵatynyn eskertedi», delingen habarlamada.
Mundaı zańbuzýshylyqtardy beınebaqylaý kameralary avtomatty túrde tirkeıtin bolady.
«Osyǵan baılanysty júrgizýshilerdi jolda saq bolyp, jol erejesin saqtaýǵa shaqyramyz. Máselen, sońǵy bir jylda 3 myńnan asa oqıǵa tirkeldi. Jol-kólik oqıǵalary baǵdarshamnyń tyıym salynǵan sıgnalyna (qyzyl, sary) ótýi, onyń ishinde sary sıgnalyna ótkeni úshin bolǵan. Sonyń saldarynan 6 adam qaza taýyp, 246 adam jaraqat alǵan. Jyl basynan beri 400-ge jýyq jol apaty tirkeldi», delingen habarlamada.