2 naýryz kúni saǵat 15.45-te Kaspıı teńiziniń jaǵalaýynda, Qurmanǵazy orman sharýashylyǵy aýmaǵynda 100 gektar alqaptaǵy qamys ósimi órtendi, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
Saǵat 17.57-de qamysty sóndirýge Qurmanǵazy aýdany №7 О́rt sóndirý bóliminen 36 adam, 5 birlik motopompa, 1 birlik tehnıka, 4 motorly qaıyq jumyldyryldy.
3 naýryz saǵat 12.30-da Tótenshe jaǵdaılar mınıstrliginiń málimetinshe, órtti sóndirý áli de jalǵasyp jatyr. Eldi mekenderge qaýip tónip turǵan joq.
Oqıǵa ornyna jeke quramnyń 35 adamy, motorly qaıyq, 6 motopompa jáne orman sharýashylyǵy tehnıkasy jumyldyryldy.
«О́rtti sóndirýdi batpaqty jer jáne tyǵyz ósimdikter qıyndatady, bul arnaıy tehnıkanyń ótýine kedergi bolady», dep habarlady TJD.