Bul týraly jýrnalıst Qymbat Dosjan óziniń Instagram paraqshasynda jazdy, dep habarlaıdy Egemen.kz.
«Astana-Ystambul-Barselona-Malorka-Malaga baǵytyna shyqqan ushaq Astanadan keshigip ushyp, Jánibek reısterdiń bárinen keshigip qalǵan. Biraq balamyz ózi aıtqandaı, joly bolǵysh bala eken, túrik avıakompanııasy úsh ret ushaq aýystyryp jetetin jerine bir ǵana ushaqpen jetetindeı etip jaǵdaı jasap, tamaǵyn berip, Ystambuldan Malagaǵa bir-aq jetetin etip bıletin aýystyryp bergen. Adamǵa adam sekildi qaraǵan túrik aǵaıynǵa myń alǵys!», dep jazdy ol.
Qymbat Dosjannyń jazýynsha, endi baǵdarlama qyzmetkerleri Jánibektiń ákesin izdeýge kóshti.
«Balamyzdyń anasy nemese ákesi (endi ákesin izdeımiz dep naqty sheshim qabyldap otyrmyz) tez tabylsa eken dep tileımin. Ásel ekeýmiz balany ár kórgen saıyn, sóılesken saıyn «tegi jaqsy, tipti myqty tekten» ekendigine kóz jetkizemiz», dep túıindedi jýrnalıst.