Memleket basshysy Qasym-Jomart Toqaevqa oblystyń byltyrǵy áleýmettik-ekonomıkalyq damý qorytyndysy týraly baıandaldy, dep habarlaıdy Egemen.kz Aqorda baspasóz qyzmetine silteme jasap.
Ákimniń aıtýynsha, óńirdegi negizgi ekonomıkalyq kórsetkishter boıynsha oń dınamıka baıqalyp otyr.
«Prezıdentke oblys turǵyndarynyń ál-aýqatyn jaqsartýǵa baǵyttalǵan jospar tanystyryldy. Onda aýyl sharýashylyǵyn ilgeriletý jáne ınfraqurylymdy damytý, turǵyndardy sapaly aýyzsýmen qamtamasyz etý sharalary qamtylǵan. Sondaı-aq óńirdiń kólik-logıstıkalyq áleýetin paıdalanýǵa jáne týrızm salasyn órkendetýge basa nazar aýdarylǵan», delingen habarlamada.
Kezdesý sońynda Memleket basshysy birqatar naqty tapsyrma berdi.