Qazaqstannyń halyq ártisi Maqpal Júnisova WhatsApp jelisinde óziniń atynan jalǵan silteme jiberilip jatqanyn eskertti, dep habarlaıdy Egemen.kz.
«Qurmetti, halaıyq! Meniń jazylýshylarym, eshkimge senbeńizder. Eshkimge daýys bermeńizder. Meniń telefonym buzylyp, WhatsApp akkaýntym istemeı qaldy. Onyń ústine aqsha sheship alǵan. Eshkimge senbeńizder. Men daýys berýdi suraıtyn konkýrsqa qatysyp jatqan jas ánshi emespin. Osydan alaıaqtardy tapsam, aıamaımyn. Basyn jaramyn! Bassyzdyq qoı. Jalǵan habarlama kelse, ashyp, oqymańyzdar!», dep jazdy halyq ártisi.
Jeli qoldanýshylary men óner ókilderi ánshini qoldap, túrli pikir jazyp jatyr. Alaıaq olardy da ortaq chatqa qosyp qoıǵan kórinedi.
«Qazir ǵana osy topqa meni qosty. Maqpal ápkege qandaı daýys kerek dep oılap otyr edim», dep jazdy Roza Álqoja.