«Qazgıdromet» RMK 8 naýryzǵa arnalǵan aýa raıy boljamyn jarııalady, dep jazady Egemen.kz.
Mereke kúni Aqmola oblysynyń aýmaǵy men Kókshetaý qalasynda qar jaýyp, jaıaý burqasyn júredi. Kúndiz aýa temperatýrasy -7°C, túnde -22°C kórsetedi.
8 naýryzda Abaı oblysynda kóshpeli bult júrip, kúndiz synap baǵanasy -3 gradýsty kórsetse, túnde aýa temperatýrasy -13 gradýsqa tómendeıdi.
Al Almaty oblysynyń taýly aýdandarynda jaýyn-shashyn bolyp, tuman túsedi. Kúndiz +7 gradýs jyly bolsa, túnde -3°C sýytady.
Elimizdiń batysynda ornalasqan oblystarda da mereke kúni jaýyn-shashyn bolmaıdy, tuman túsedi. Aýa temperatýrasy kúndiz +3, - 3, túnde -7, -16 aralyǵynda bolady.
Qazaqstannyń shyǵysynda kóshpeli bult shyǵyp, kún raıy kúndiz -3+2, tek oblystyń shyǵysynda -8 °C kórsetse, túnde -11, - 26 gradýsqa deıin tómendeıdi.
8 naýryz kúni Soltústik Qazaqstan oblysynda azdaǵan qar jaýady. Kúndiz aýa temperatýrasy -3-8 °C, túnde -7-12°C.
Mereke kúni eń jyly aýa raıy Túrkistan oblysynda bolady. Kúndiz eldiń ońtústiginde +16+18 °C jyly bolsa, túnde synap baǵanasy -3 °C, +2 °C aralyǵyn kórsetedi.
Megapolısterge kelsek, Astana qalasynda keı ýaqyttarda azdaǵan qar jaýyp, jaıaý burqasyn júredi. Al gradýs ólshemi: kúndiz -4-6 °C, túnde -10-12 °C.
Almaty qalasynda 8 naýryz kúni jaýyn-shashyn bolmaıdy. Aýa temperatýrasy kúndiz +7°C, túnde -3°C bolady dep boljanyp otyr.
Shymkentte kúndiz kóshpeli bult paıda bolady, dese de jaýyn-shashyn bolmaıdy. Aýa temperatýrasy +15+17 °C kórsetse, túnde jańbyr jaýady dep boljanyp otyr. Temperatýra baǵany +3+5 °C aralyǵyn kórsetedi.