8 naýryz Halyqaralyq áıelder kúnine oraı elordalyq temirjol vokzaldarynyń perrondary men poıyzdarynda júzden astam áıel jolaýshylarǵa gúlder men syılyqtar tabystaldy. О́z kezeginde syılyq alǵan áıelder qaýymy jolserikterge jyly lebizderin aıtty, dep habarlaıdy Egemen.kz.
Áıelder qaýymyna saksofonnan kóńildi áýen arnalyp, poıyzdyń ishinde daýys ulǵaıtqyshtan tilekter joldandy.
«Jolaýshylar tasymaly» AQ baspasóz qyzmeti málim etkendeı, mereke qurmetine elimiz boıynsha arnaıy bezendirilgen poıyzdar jolǵa shyqty. Ulttyq tasymaldaýshy 8 naýryz kúni merekelik quttyqtaýdy jyl saıynǵy dástúrge aınaldyryp otyr. Barlyq oblystarda jolaýshy áıelderge arnalǵan quttyqtaý is-sharalary ótkizilip jatyr.
Aıta ketsek, «Jolaýshylar tasymaly» AQ poıyzdarynda orta eseppen jyl saıyn 13 mıllıonnan astam jolaýshy qatynaıdy, olardyń jartysyna jýyǵy - áıelder qaýymy.