Jezqazǵandyq 13 jastaǵy qyz ata kásipti jalǵastyrýdy armandaıdy, dep habarlaıdy Egemen.kz.
24.kz-tiń málimetinshe, jezqazǵandyq 13 jastaǵy Kórkemdi dostary «Shabandoz qyz» dep ataıdy. Nebári 5 jasynda atqa mingen ol búginde ákesine járdem berip, 2 úıir jylqy baǵyp otyr. Asaý tizgindep, talaı báıgege túsken oqýshy bolashaqta atadan jalǵasqan kásipti damytý armanym deıdi.
Jylqy náziktikti, kútimdi jany súıetin janýar. Qarshadaı qyz ony jaqsy biledi. «Atqa otyrǵanda ózińdi ǵana oılamaı, astyńdaǵy janýarmen de sanasqan jón» deıdi. Sondyqtan týǵannan «Talısman» dep atyn qoıyp, ózi úıretken kúreń qunandy erekshe baptaıdy. Qazir jylqynyń bári dalada, tebinge jiberilgen. Kórkemniń mindeti - qolǵa ustap qalǵan jabaǵylardyń babyn tabý.
«Kishkentaı jasymnan minemin. Ákem úıretti. О́ziniń aldyna alyp. Qatty qorqynysh joq. Buryn qoryqqanmyn biraq. Armanym - ákemniń sharýashylyǵyn jalǵastyrý. Iá, jazǵy kanıkýl kezinde osy jaqta bolamyz biryńǵaı», deıdi Jezqazǵan turǵyny Kórkem Serǵazy.
Kórkem qazir 8 synypta oqıdy. Sabaqtan bos ýaqytta sharýashylyq basynan tabylady. Asaý úıretip, báıgege túsken shabandoz qyz ergen baýyrlaryn da bul iske baýlyp júr. Bul rette sanaly ǵumyryn jylqy sharýashylyǵyna arnaǵan atasy aqylyn aıtyp, keńes berip otyrady.
«Ákege jaqyn ǵoı qyz bala degen. Osy bala ózi qumartty sodan keıin betin qaqpaımyz. Aqyldy, sabaqty jaqsy oqıdy. Keıinnen qoıyp ketetin shyǵar, er jetkennen keıin, ınstıtýt bitirgennen keıin. Qazir qumar. Atqa da, sharýashylyqqa da jaqyn. Qazir qys qoı, kóp kele bermeıdi. Jazdygúni kanıkýlǵa shyqqannan keıin osy maldyń ishinde. Taqymy berik qyz bolashaqta osy sharýashylyqty odan ári damytsam deıdi. At baptap, mal basyn asyldandyrý isin qolǵa alýdy josparlap qoıǵan», dedi qyzdyń atasy Serǵazy Ámzeuly.