Túrkııa men Bolgarııadaǵy beldesý

Áıelder kúresinen ótken jarystyń alǵashqy kúni qor­jynymyzǵa eki júlde tústi. 76 kg salmaqtaǵy Elmıra Syzdy­qova aqtyq synǵa alqynbaı jetkenimen, sheshýshi tusta qyr­ǵyz Aıperi Medetqyzyna jol berdi. 57 kg salmaqta beldesken Emma Tısına qola me­daldy ıelendi. Kelesi táý­likte Irına Kýznesova (62 kg) fınalǵa shyǵyp, Aısulý Ty­ny­bekovamen kúsh synasty. Biraq Qyrǵyzstannyń ataqty balýanyna otandasymyzdyń áli jetpedi. Al Gúlmıra Bekesh (59 kg), Elena Shalygına (68 kg) jáne Shámshibaıaný Tastanbek (72 kg) úshinshi orynǵa taban tiredi. Nátıjesinde 133 upaı­dy enshilegen  Qazaqstan qu­ramasy jalpy komandalyq esepte úshinshi satyǵa jaıǵasty. Aldymyzda – Japonııa (135 upaı) men Mońǵolııa (133 upaı).

Burymdylardan keıin grek-rım kúresi sheberleri boz ki­lemge shyqty. Bul jarysta qos qolany qanjyǵaǵa baıladyq. Onyń ıegerleri – Meırambek Aınaǵulov (60 kg) pen Temir­lan Shadýkaev (77 kg). Sóz oraıy kelgende, Meırambekti bas júl­de úshin talasý múmkindigi­nen aıyrǵan qyrǵyzdyń taǵy bir beldi balýany Jolaman Sharshenbekov ekenin de aıta ketýge tıispiz.

Keshe Antalıada erkin kú­resten básekeler bas­taldy. 97 kg salmaqta kúresken Rızabek Aıtmuhan tek byltyrǵy jyl­ǵy álem chempıony Ahmed Tad­jýdınovtan utylyp, qola medaldy qanaǵat tutty. 

Al Bolgarııanyń bas sha­hary – Sofııada Dan Kolov pen Nıkola Petrovtyń memo­rıaly ótýde. Atalǵan jarys­ta Qazaqstannyń grek-rım kúresi sheberleri tamasha óner kórsetti. Qazirdiń ózinde qor­jy­nymyzda tórt júlde bar. Tar­qatyp aıtsaq, 72 kg salmaq dárejesinde kúsh synasqan Ádil­han Sataevtyń qarqynyna eshkim shydamady. Fınalda ol Olımpıada jáne álem chempıo­ny, ırandyq Muhamedreza Geraıdy «týshemen» utty. 55 kg salmaqta Marlan Muqashev bas júldeni oljalady. 63 kg salmaqta Dıas Áskerbaı dara shyqsa, Muhamedáli Mamyrbek qolaǵa qol sozdy. Úshinshi oryn úshin saıysta Muhamedáli álem chempıonatynyń kúmis júl­degeri, eki dúrkin Eýropa chempıony, bolgarııalyq Edmond Na­zarıannan basym tústi.