Mádenıet jáne aqparat mınıstrligi bıyldan bastap Naýryz merekesi jańa formatta toılanatynyn málimdedi, dep habarlaıdy Egemen.kz.
Mádenıet komıteti tóraǵasynyń orynbasary Sábıt Barlybaevtyń aıtýynsha, Naýryznama onkúndigi jyl saıyn 14-23 naýryz aralyǵynda ótedi. Naýryzdyń biregeı logotıpi bekitilip, elimizdiń barlyq aımaǵyna jiberildi.
- Tarıhta Naýryzdy toılaý 8-9 kúnge jalǵasqan. Ony "Naýryznama" dep ataǵan. Bul týraly derekter uly fılosof-jazýshylarymyz Mahmud Qashǵarıdiń, Máshhúr Júsip Kópeıulynyń, Abaı Qunanbaıulynyń, Muhtar Áýezovtiń eńbekterinde jazylǵan, - dedi Sábıt Barlybaev.
Ol mereke kúni uıymdastyrylatyn is-sharalar josparyn bólisti.
14 naýryz - Kórisý kúni - Amal merekesi. Bul dástúr negizinde elimizdiń batys óńirlerinde saqtalǵan. Qazir bul merekeni barlyq aımaqta toılaý usynyldy.15 naýryz - Qaıyrymdylyq kúni. Bul kúndi el boıynsha qaıyrymdylyqqa, meıirim men tatý kórshilikke arnaımyz.16 naýryz - Mádenıet jáne ulttyq salt-dástúr kúni. Bul kún mádenıetimizdi, ónerimiz ben ulttyq qundylyqtarymyzdy nasıhattaýǵa arnalyp, respýblıka boıynsha túrli is-sharalardy ótkizý josparlanyp jatyr.17 naýryz - "Shańyraq kúni". Osy kúni otbasylyq qundylyqtardy dáripteýge, ónegeli urpaq tárbıelegen úlgili otbasylarǵa arnalǵan mádenı is-sharalar ótedi.18 naýryz - Ulttyq kıimder kúni. Naýryznamanyń onkúndiginde elimizdiń barlyq óńirinde ulttyq kıimderdi nasıhattaýǵa baǵyttalǵan túrli is-shara ótkizý usynylyp otyr.19 naýryz - Jańarý kúni. Osy kúni kóktemgi aǵash egý dástúrin jalǵastyrý usynyldy.20 naýryz - Ulttyq sport kúni. Bul kúni eldiń barlyq aımaǵynda ulttyq sporttan túrli jarystar uıymdastyrylady.21 naýryzdy - Yntymaq kúni. Onyń basty maqsaty - jalpy halyq arasynda bir-birine degen syı-qurmetti arttyryp, tatýlyq pen birlikti nasıhattaý.22 naýryz - Jyl basy. Bul kúni elimizdiń barlyq óńirinde jalpyhalyqtyq mádenı-sporttyq is-sharalar ótkizilip, stıldi etnoaýyldar men túrli jármeńke uıymdastyrylady. 14-23 naýryz aralyǵynda "Naýryz-bazarlyq" maýsymy jarııalanady. Bul kúnderi saýda oryndarynda jappaı satylymdar ótedi.23 naýryz - Tazarý kúni. Naýryznamanyń qorytyndy kúni, jańa jyldy tutas el bolyp, jańa maqsat, jańa úmitpen qarsy alýdyń sımvoly retinde etip jarııalanady. Bul kúni Qazaqstannyń barlyq aımaqtarynda jalpyulttyq ekologııalyq aksııa ótedi.
Sonymen qatar, Mádenıet jáne aqparat mınıstrligi Naýryz merekesin toılaýǵa arnalǵan jalpy respýblıkalyq jospar ázirledi. Qujatta barlyq formattaǵy is-sharalar qamtylǵan.
Jalpy respýblıka boıynsha 10 myńnan asa is-shara ótkiziledi. Al basty mereke 21 naýryzda Astanadaǵy EKSPO kórmesiniń aýmaǵynda ótedi. Bul mereke aıasynda kıiz úıler qurylyp, túrli mádenı-sporttyq is-sharalar uıymdastyrylady. Qazir merekeniń tujyrymdamasy bekitilip, daıyndyq júrgizilip jatyr.