14 naýryz - Amal merekesi, kórisý kúninde «Barmysyń baýyrym» radıo-habarynyń ujymy qýanyshty jańalyqty habarlady, dep jazady Egemen.kz.
«Qazaq radıosynyń» tolqynynda 1 apta buryn anasyn izdep kelgen Roza esimdi keıipkerdiń ata-anasy tabylǵany jarııalandy.
Jýrnalıst Qymbat Dosjan keıipkermen telefon arqyly tildesip, súıinshi habardy jetkizdi.
«Kórisý kúninde ózińe osyndaı jaqsy jańalyqpen shyǵyp otqanymyzǵa biz de baqyttymyz. Bir Qazaqstan jerindemiz ǵoı, ata-anańmen kezdeskennen keıin jaǵdaıdyń qalaı bolǵanyn ózderi ózińe túsindirip aıta jatar. Biraq stýdııa tórinde, bizge qonaqqa ákeńniń týysy kelip otyr», dedi Qymbat Dosjan tikeleı efırde.
Arqalyqtaǵy balalar úıinde tárbıelenip jatqan 1 jasar Rozany Baǵusovtar otbasy qanatynyń astyna alady. Sol joly ol balalar úıindegi Nurlan esimdi azamatpen birge atalǵan otbasynyń qamqorlyǵyna ótedi.
Efır barysynda Nurlannyń da anasy tabyldy. Aıgúl esimdi kelinshek belgııalyqtar asyrap alǵan Janı Savelevti «meniń balam bolýy múmkin» dep alǵash DNQ analızin tapsyrǵan kelinshek ekeni belgili boldy. Janıdiń anasyn izdep kelýiniń arqasynda Aıgúl 20 jyl izdegen balasyn tapty. Ol «Barmysyń baýyrym» radıo-habarynyń tikeleı efırinde balasyn perzenthanaǵa tastap ketý sebebin egjeı-tegjeı túsindirdi.