Elimizde jyl saıyn shamamen 4,5 mln tonna kommýnaldyq qaldyq paıda bolady. О́tken jyly elimizde 5,5 myńnan astam zańsyz polıgon bar ekeni belgili boldy. Senator Zakırjan Kýzıevtiń aıtýynsha, qazir qoqys máselesimen kúres boıynsha qabyldanyp jatqan sharalar tıisti nátıje bermeı keledi, dep habarlaıdy Egemen.kz.
«Qaýipti jáne medısınalyq qaldyqtardy kádege jaratý kezinde qoldalanylatyn tehnologııa normatıvke sáıkes kelmeıdi. Degenmen bul rette aýqymdy bıýdjet qarjysy ıgerilip jatyr. Qoqysty suryptaý jáne qaıta óńdeý jónindegi Ortalyq Azııadaǵy iri zaýyt qurylysynyń Almatyda salynýy birden-bir mańyzdy jetistik ekeni belgili. Alaıda, qazir, ókinishke qaraı, ol jabylyp qaldy. Aqtóbe men Semeıde bes mıllıard teńgege salynǵan eki jańa zaýyt ta toqtap tur. Ekologııa mınıstrliginiń qoqystardy suryptaýdaǵy tabys jónindegi esebi úmit otyn jaǵady, alaıda shyndyqtyń aýyly alysta jatyr», dedi senator.
Depýtattyń aqparaty boıynsha, mejelengen 18-20% qaldyqtyń ornyna shamamen 5-6% ǵana suryptalady, qalǵany polıgonǵa jiberiledi. Depýtat mysal retinde Eýropa elderiniń tájirıbesin atap ótti. Olardyń prınsıpi qaldyqtardy azaıtý, olardy qaıta óńdeý jáne qaıta paıdalaný bolyp tabylady. Senator Germanııa 2030 jylǵa qaraı kommýnaldyq qaldyqtardy kómetin polıgondardan bas tartýdy josparlap otyrǵanyn jáne olardy qaıta óńdeýdi yntalandyratynyn atap ótti.
«Qoqyspen jumys isteý jaǵdaıyn jaqsartý úshin budan bylaı qaıta óńdeýge jatpaıtyn qaptamany paıdalanýǵa tyıym salýdy, qoqysty eń alǵash jınaqtaý oryndarynda qaldyqty suryptaý júıesin engizýdi, qoqysty ýaqtyly shyǵarmaǵany jáne ruqsat etilmegen qoqys úıindisi úshin aıyppuldy ulǵaıtýdy, sondaı-aq sheteldik ınvestorlardy belsendi tarta otyryp jáne álemdik tájirıbeni paıdalaný, turmystyq qaldyqtardy qaıta óńdeý jáne suryptaý zaýyttaryn salý múmkindigin qarastyrýdy usynamyz», dedi senator Zakırjan Kýzıev óziniń depýtattyq saýalynda.