Joǵarǵy Sottyń azamattyq ister jónindegi sot alqasy talap qoıýshynyń jergilikti sottardyń negizsiz baıý somasyn óndirý boıynsha isti qarady, dep jazady Egemen.kz.
Is barysynda jábirlenýshi áıel belgisiz tulǵalardyń nusqaýymen nesıe rásimdep, keıin óz páterin basqa adamǵa arzandatylǵan baǵamen satyp, alǵan aqshasyn jaýapkerlerdiń kartochkalyq shottaryna túgel aýdaryp jibergeni anyqtaldy.
Sot alqasy negizsiz baıý nıetimen zańsyz áreket jasaǵan 4 adamdy tapty.
Joǵarǵy Sottyń baspasóz qyzmeti istiń mán-jaıyn bylaı túsindirdi:
«Sot alqasy anyqtaǵandaı, páterdi satý aldynda talap qoıýshyǵa belgisiz bireý telefon soǵyp, ózin polısııa qyzmetkeri retinde dep tanystyryp, belgisiz bireýler onyń páterin ıemdenbek bolǵanyn aıtqan.
Artynsha talap qoıýshyǵa ózin Ulttyq banktiń mamany dep tanystyrǵan basqa adam qosylǵan. Osylaısha, áıel ekinshi deńgeıli bankterden qaryzǵa qarajat alýǵa ótinish jazyp, keıin aqshany jaýapkerlerge aýdarǵan.
Osy tulǵalardyń yqpalymen talap qoıýshy óz páterin satyp jibergen. Túsken qarjy jaýapkerlerdiń biriniń esep-shotyna jiberilgen».
Nátıjesinde Azamattyq kodekstiń 953, 960-babyna sáıkes sommany bastapqy tulǵaǵa qaıtarý mindetteldi.