Qazaqstannyń tennısshileri 12-13 sáýir aralyǵynda Bıllı Djın Kıng kýboginiń irikteý týrnırinde Japonııa quramasymen sheberlik baıqasady.
Taıaýda ǵana komanda kapıtany bolyp taǵaıyndalǵan Iýrıı Shýkın osy mańyzdy kezdesýde Iýlııa Pýtınseva, Zarına Dıas, Anna Danılına, Jibek Qulambaeva jáne Arýjan Saǵandykovaǵa senim arttyp otyr. Olardyń alǵashqy úsheýi talaı dúrmekte ysylǵan saqa sportshylar bolsa, Jibek pen Arýjan – jalyndap ósip kele jatqan jas býyn ókilderi. Bul básekeler Tokıodaǵy Ariake Coliseum arenasynda ótedi.
Elimizdiń eń úzdik tennısshisi Elena Rybakına qazirgi kezde Parıj Olımpıadasyna tyńǵylyqty daıyndalyp jatyr. Sondyqtan da álemniń tórtinshi raketkasy Japonııadaǵy jarystan bosatyldy.