Ulttyq quryltaı mańyzy zor ári qoǵamdyq alańǵa aınalyp keledi. Bıylǵy Quryltaı jumysy da jalpy májilispen shektelip qalmaı, birneshe seksııa aıasynda qyzý pikirtalas uıymdastyryldy.
Seksııalarda jumystarymyzdyń negizgi baǵyttary qamtylyp, maqsat-murattarymyz ben bastamalarymyzdy óz aramyzda ashyq talqyǵa saldyq. Menińshe, Quryltaıdyń basqa konsýltatıvtik-keńestik organdardan basty erekshelikteriniń biri de osynda.
Seksııa otyrystarynda jemisti jáne paıdaly pikir almasý órbidi. Seksııa moderatorlary bolǵan áleýmettik bloktyń salalyq basshylarymen birge Quryltaı jobalaryn iske asyrýdyń jekelegen máselelerin tikeleı jáne birden sol jerde naqtylaýǵa múmkindik aldyq.
Atyraýda ótken seksııalar barysynda kóptegen tyń bastama aıtyldy. Jalpyulttyq qundylyqtardy ilgeriletýdiń mańyzdylyǵy men qajettiligi sóz boldy. Quryltaıǵa jınalǵandar ultymyzdy biriktiretin qaǵıdattardyń naqty tizimin qalyptastyrýdy basty mindetteriniń biri sanaıdy.
Ulttyq quryltaı tájirıbeli qoǵam qaıratkerlerin, ǵalymdardy, sarapshylardy biriktirdi. Biz túrli jobany, sonyń ishinde óńirlerde iske asyrýǵa erekshe den qoıylǵan bastamalarǵa barynsha mán-mańyz berip otyrmyz. Quryltaı músheleri qoǵamdyq toptasýdy nyǵaıtý, ortaq qundylyqtardy damytý jáne ilgeriletý jóninde usynystar ázirleý jónindegi ortaq iske óz úlesin qosyp keledi.
Búginde jastar óte ótkir synaqtarmen betpe-bet kelip otyr. Mundaıda bilim qashanda ýaqyttyń aldynda júrýi kerek. Memleket basshysy Qasym-Jomart Toqaevtyń qoldaýymen Astanada qazaq-nemis mektebin ashý jobasy júzege asyrylyp jatyr. Sheteldik mektepterdiń modeli boıynsha ashylatyn bul oqý ordasy Ortalyq Azııadaǵy alǵashqy bilim orny bolmaq. Bul mektep Germanııa men Eýropanyń bilim berý keńistigine kedergisiz qol jetkizýge múmkindik beredi.
Evgenıı BOLGERT,
«Vozrojdenıe» nemister birlestigi» qamqorshylyq keńesiniń tóraǵasy